Mu Karere ka Rubavu hagiye kubera umukino uzahuza amakipe y’umupira w’amaguru ariyo Big Star na Victoire. Uyu ni umukino uzaba kuri iki cyumweru tariki 16 Kamena 2024 mu rwego rwo kuba hafi umukinnyi witwa Laurent.
Laurent kugeza ubu afite uburwayi bumukomereye kuko yagagaye(Paralyse) igice kimwe cy’umubiri. Uyu mukino uzaba mu rwego rwo kumufasha ngo abone ubuvuzi bwa ngombwa akenera buri munsi. Laurent yazamukiye mu ikipe ya Big Star ndetse n’abandi bakinnyi bazwi barimo Jacques Tuyisenge ,Niyonzima Haruna ,Gahungu Miradji na Coach Becken wabanye nabo cyane , bose bazaba bahari.
Nubwo hari ibyakozwe ku ikubitiro ngo uyu Laurent amere neza, kugeza ubu ntabwo abasha kuvuga ndetse no kugenda bisaba ko hari abamufata. Ku muntu ufite umutima w’urukundo no gufasha yagira icyo akora kugira ngo abashe gukomeza kuvurwa.
Biteganyijwe ko uyu mukino uzatangira ku isaha ya saa saba z’amanywa kuri Stade Umuganda. Nimero inyuzwaho inkunga ni 0788443472 Noursa ndetse na 0788593450 yanditse kuri Badrou.
Uretse uyu mukino, muri gahunda biteganyijwe ko nyuma yo gushyikiriza Laurent inkunga ye, Ijabo Live Music bazaririmbira muri Peace Corner ndetse n’abantu batandukanye barimo abo mu muryango wa Laurent ndetse na Niyonzima Haruna wa Big Star bazagira ibyo batangariza abantu bazaba bitabiriye.
Kugira icyo ukora gito cyatuma Laurent yongera kugarura icyizere cy’ubuzima bwiza.
Tanga Igitekerezo