Urwego Ngenzuramikorere, RURA, rugiye gutangira kugerageza uburyo bushya bwo kwishyura ingendo ku bakoresha imodoka zitwara abagenzi mu buryo rusange mu Mujyi wa Kigali hakurikijwe urugendo umugenzi yakoze, aho kwishyura amafaranga ahwanye n’urugendo rwose (ligne).
Ni icyemezo kizatangira gushyirwa mu bikorwa guhera tariki 4 Ukuboza 2024.
RURA itangaza ko umugenzi azajya akoza ikarita y’urugendo ku mashini yinjiye nk’uko bisanzwe, nagera n’aho aviramo yongere ayikozeho asoze urugendo, yirinda kwishyura amafaranga y’urugendo rwose.
RURA ivuga ko ibi ari igerageza rizatangirira ku muhanda wa Nyabugogo- Kabuga n’uwa Downton- Kabuga.
Kuri izi mpinduka, RURA yatangaje ko uzajya agenda kirometero imwe n’ebyiri azajya yishyura amafaranga 182, ugenda eshatu yishyure 205, ugenda enye yishyure 219 mu gihe ugenda 25 azajya yishyura 855 Frw.
Muri Werurwe 2024 nibwo havuguruwe ibiciro by’ingendo byari byarashyizweho mbere ya COVID-19, aho kandi leta yatangaje ko yakuyeho nkunganire ingana na 35% yashyirwaga ku kiguzi umugenzi yishyuraga urugendo. <
Tanga Igitekerezo