Umwaka wa 2024 watangiye neza ndetse umujyi wa Rubavu ufatwa nk’uw’ubukerarugendo benshi bari baje kuharuhukira by’umwihariko no kwitabira ibitaramo byari byahateguriwe. Reka uyu mwanya turebe bamwe mu bahanzi bahabarizwa n’ibihangano byabo cyane cyane indirimbo ushobora kumva ukanabyina bitewe n’uko zikozwe.
Hari abahanzi b’indirimbo benshi usanga barazamukiye mu Karere ka Rubavu nyuma bakahava bakajya gukorera ahandi cyane cyane mu murwa mukuru w’u Rwanda,Kigali. Gusa uyu munsi turibanda ku bakibarizwa muri aka karere.
• KARIBU – BERTZ-BEAT
Iyi ni indirimbo umusore w’umucuranzi akaba anatunganya indirimbo mu buryo bw’amajwi , Bertz Beat yahurijemo Isha ndetse na Fica Magic. Ifite iminota 3 n’amasegonda 20. Ikimara kujya hanze yakiriwe neza mu ruhando rwa muzika.
KANDA HANO WUMVE UNAREBE AMASHUSHO Y’INDIRIMBO
• GOOD VIBES-N T ZIYO
N T ziyo ni umwe mu bahanzi bakomeye bakorera umuziki wabo mu Karere ka Rubavu ndetse rimwe na rimwe anyuzamo akifashisha n’ibindi byamamare hirya no hino mu gihugu , bagahuza imbaraga bagasohora indirimbo. Iyi ndirimbo y’iminota 2 n’amasegonda 44 iri mu zo aherutse gusohora , iri mu njyana ya dancehall. Hirya no hino iri gucurangwa kubera uburyo ibyinitse.
KANDA HANO WUMVE IYI NDIRIMBO
• FOREVER-T BLAISE
Uyu ni umuririmbyi ndetse unabifatanya no kuba Umushyushyarugamba, MC. Ntabwo amaze igihe kinini mu muziki ariko bimwe mu bihangano amaze iminsi ashyira hanze biri kunyura abakunzi ba muzika. Iyi ndirimbo aherutse gukora abifashijwemo na Orange Entertainment, iri gucurangwa n’ingeri zitandukanye hirya no hino. Akenshi akazi ko kuba umushyushyarugamba agakorera mu kabari gafite resitora bikunzwe I Rubavu kitwa EL CLASSICO BEACH CHEZ WEST.
KANDA HANO WUMVE UNAREBE AMASHUSHO Y’INDIRIMBO
• FEZA-BIGWI GOLD
KANDA HANO WUMVE IYI NDIRIMBO
Bigwi ni umwe mu bahanzi batajya bacika intege kuva ku munsi wa mbere ubwo yemezaga ko yinjiye mu buhanzi bw’indirimbo. Si ibi gusa kuko hari n’amarushanwa menshi yitabiriye akayitwaramo neza. Mu ndirimbo nyinshi aherutse gukora iyi ngiyi yitwa Feza iri mu ziri kumvwa cyane mu karere ka Rubavu.
Tanga Igitekerezo